فرهنگ و ادبیات

داشاری یورتدا یاشایان تورکمنلره!

شیرالی نورمئرات

“یاد ایتینگ قویروغی یامزئندا بورموش”.
بارینگا دگیشلی بو گؤدک ناقیل.
یاشاپ بولماز گؤگه توتوپ تومشوغی،
آنگئروجی بولایماسانگ کم عاقئل.

 

بیز دینگه پیر دیریس بیر- بیریمیزه،
باشغا هیچ کیم دوداغئنگی چؤورتمز.
دل یورودونگ حدایی، یاد ایلینگ دینی،
سونگقی دمده کلمه نگی اؤورتمز.

 

ایسم، اوزال بیزی غاریپ مکاندان
گدملیک، باخیللیق چیقارمادیمی؟
انه سندن ارکک دوغان ملتی
آغزآلالیق دیزا چؤکرمه دیمی؟

 

حاوا، یری، ایندیکینگیز نأمه میش؟
یئنه اؤنگکی غیبت. یئنه شول حاپا.
یورت تأزه، کونتی ننت، ماته ریک تأزه!
یئنه اؤنگکی دوزاق، یئنه شول قاپان.

 

بیر- بیرینی چه ینأپ یؤرن ایتلرم
آغزین بیریکدیرمیش مؤجک گؤرنده.
آدام سیزینگ اوچین بیر کؤپوک بولسا،
حایواندان بیر آلایئنگ- دا گؤرلده.

 

واطانی ترک اتمک نأمأ گرکدی،
یئنه شول کؤنه هنگ چالینجاق بولسا؟
یالاندان آغلاماق درکارمی بو گون،
ارتیر اؤز اوستونگدن گولجک بولسا.

 

یاد ایلینگ، دل اتین یاللاماق اوچین
یاراغ چه ندینگیز بوز قوردونگیزا.
یا سیز یوردونگیزدان آیئریلمانسینگیز،
یا ایندی گلیپسینگیز اؤز یوردونگیزا.

 

شیرالی نورمئرات.

۱۹۹۹ استکهلم

 


نمایش بیشتر

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا